السلام عليكم
عاملين ايه يارب تكونو بخير وبسعادة
هاخد من وقتكم شويه هدردش معاكم في حاجات مهمه
يعني احنا بنتعب ونحط مواضيع في المنتدى
بعض هذه المواضيع بياخد نسبة مشاهدات عاليه
وبعضها بياخد نسبة مشاهدات ضعيفة
الموضوع مش صدفه او بختك يابو بخيت لالا


الموقع والحمد لله مهيأ ومتعوب عليه في الارشفة والباك لينك
فالمفروض المواضيع تاخد مشاهدات كتيرة لكن ده يتوقف عليك انتا
قولي ازاي
اقولك انا ازاي
جوجل مش بتلعب ولا ممشياها بالحظ
كل حاجه في جوجل لها معايير ومواصفات عشان توصل لموضوعك لاكبر نسبة مشاهدات ركزو معايا بقى
الموضوع هنقسمه ل 4 اجزاء
العنوان - افتتاحية الموضوع - محتوى الموضوع - الخاتمة
هنتكلم بقى ازاي نعمل موضوع نحقق فيه المواصفات في الاربع اجزاء دول وبالتالي ياخد اول نتيجة في جوجل
الاول العنوان
يعني ناخد مثال
هنعمل موضوع مثلا عن مشاهدة مباراة الاهلي والزمالك
طبعا فيه الاف المنتديات بتعمل الموضوع قبلك وبيعلو سبام في مواقع كتير عشان يحققو نسبة مشاهدات
ازاي انتا بقى بموضوعك تتخطى كل المنتديات وتتربع على قمة محرك البحث

يبقى نركز اولا على العنوان
هنشوف الزائر ممكن يبحث ازاي في جوجل
ممكن واحد يكتب في جوجل ( موقع مشاهدة مباراة الاهلي والزمالك )  ده يعنتبر استهداف لزائر معندوش خبرة على الانترنت
لانه لو متمرس على الانترنت هيكتب كده ( مباراة الاهلي والزمالك اليوم بث مباشر ) ده بقى متمرس على الانترنت وواعي
طبعا كل موضوع ليه شريحة متابعين وليه استهداف للشريحة دي
يبقى لازم تعرف انتا هتستهدف مين
وكلم كل حد بطريقته
ده بالنسبة للعنوان
طيب بداية الموضوع بقى
دي اهم من العنوان في جوجل
يعني العنوان بيكون تمهيد للموضوع بشكل مختصر
في بداية الموضوع بقى هتبتدي تستهدف اكثر من شريحة من الباحثين
ناخد مثال
( اليوم تقام مباراة الاهلي والزمالك في الدوري العام المصري وموعد توقيت مباراة اليوم ستكون في الساعة 8 مساءا بتوقيت مصر
ونحن حريصين على نقل مباراة الزمالك والاهلي لكم اونلاين on line مباشرة عبر موقعنا ليالي مصرية لمشاهدت الماتش اونلاين وبجودة ممتازة مجانا )
كده خلصنا الافتتاحية
نلاحظ بقى المكتوب باللون الاحمر ده انا لونته عشان اوريكم الكلمات السحرية اللي هتجلب لك الزائر وبينت ازاي انا عملت الكلمة وعكسها للحصول على شرائح مختلفة من الزوار
يعني باللون الاحور بينت لكم كلمة مباراة الاهلي والزمالك وفي موضع اخر عكستها وخليتها الزمالك والاهلي
كده انا استهدفت جمهور الفريقين لان الاهلاوي هيكتب الاهلي الاول والزملكاوي هيكتب الزمالك الاول وده شئ لا ارادي
وايضا ركزت على كلمة موعد وتوقيت لان هناك من يبحث في جوجل عن موعد المباراة وهناك من يكتبها توقيت مباراة
وذكرت كلمة مباشر وكلمة اونلاين بالعربي والانجلش لاستهداف اوسع
وطبعا ذكرت اسم موقعنا ضمن السطور لان الموضوع هيتم نقله لمواقع كتير لانه اول نتيجة وبالتالي نكسب باك لينك فجوجل يديلك اولوية في المواضيع اللي في هذا المجال
وكمان ذكرت كلمة مجانا ودي كلمة سحرية بتاخد كل سنة نسبة بحث كبيرة جدا على مستوى العالم
كده خلصنا العنوان والافتتاحية
نيجي ندور على صورة بقى عن الاهلي والزمالك في محرك بحث جوجل للصور ونحفظ الصوره على جهازنا ونرجع نرفعها ونحطها في موضوعنا بعد الافتتاحية
حافظو على الترتيب هكذا فدي امثل طريقه محببة لجوجل
اذا اصبح لدينا صورة في الموضوع غير مكررة في جوجل وبالتالي كسبنا ثقة عناكب البحث بأن المحتوى فريد وحصري
بعد كده هنكتب سطر اخر اسفل الصورة ويكون هكذا مثلا
( نتمنى للفريقين التوفيق والفوز بنتيجة مباراة الاهلي والزمالك يكون للفرق الافضل ونتمنى لكم مشاهدة ممتعة )
بردو لونت ليكم عشان تعرفو اني زرعت في الجملة كلمات سحرية مرة اخرى زي نتيجة مباراة الاهلي والزمالك وبالتالي هحصل على الزوار الباحثين عن النتيجة

بعد كده هنحط البث الخاص بالمباراة ونحط ختام للموضوع يكون هكذا مثلا
نرجو ان تكونو استمتعتم بمشاهد المباراة معنا فضلا لا تبخل علينا بالضغط على لايك لدعمنا لتقديم خدمة افضل

وبكده احنا خلصنا الموضوع وصبح لديك موضوع حصري تماما بمحتوى فريد فان شاء الله هتاخد اول نتيجة في البحث وتحصل على زوار بالالاف
ارجو تطبيق هذه النظرية في مواضيعكم فهي خلاصة خبرتي طوال هذه السنوات

والى اللقاء في درسنا القادم ان شاء الله
‏