حقائق وفضائح عن الاعلامية ريهام سعيد لم تسمعها من قبل تابعها بهذا الفيديو
قناع زائف ترتدية مقدمة برنامج صبايا الخير على قناة النهار تدعي الخير والرحمة ولكن في الحقيقه كل هما هو الشهره ولا شئ غيرها
كنت شخصي من محبين الاعلامية ريهام سعيد ولكن بعد سماعي لبعض هذه الحقائق تيقنت انها لا تستحق ان ننظر اليها فهي ممثلة من الدرجة الاولى ولكن ليس امام كميرات الافلام والمسلسلات ولكنها تستعطف الناس باحضار حالات انسانية ولكن ما وراء هذه الاستضافات حكايات مؤلمة دعونا نتعرف على بعضها
https://www.youtube.com/watch?v=LAJVm_l4EcE
واعجبني هذا الرأي عن تعليق على حلقة الجن والعفاريت والخمس بنات فاقتبسته
البنات دي مش ممكن تكون بتمثل ولا الناس اللي عايشين معاهم وجيرانهم بيمثلوا
وبدون خوض في صحه موضوع العفاريت ده من عدمه
لكن ريهام سعيد وطاقم المونتاج بتاعها هما بيتاجروا بيهم وبتعبهم عشان الشهرة ونجاح البرنامج وعشان تفضل تقول أنا رقم 1 في مصر وكله غيران مني والكلام ده
كان ممكن تعامليهم زي أي مريض وتسعي في علاجهم بدون ما تعمليهم الموضوع الرئيسي لحلقات من برنامجك وتقعدي تقولي أنا الأكثر مشاهدة ودايما برنامجي ناجح ومواضيعي ناجحة
كان ممكن كل ده يحصل بدون ما تدخل الكاميرا بيتهم وتصورهم بدون حجاب والكل يشوفهم
وكان ممكن يتعالجوا بدون مايك مثبت في قميص كل واحد بيتكلم وبدون كاميرات بتجري وراء كل حركة في البيت
وبدون مونتاج وموسيقي اكشن Action Sound Effects وأغاني و Video Effects
استغلال تجاري بحت لحالة ناس غلابة أدي لتحول حالتهم إلي موضوع رئيسي مشوق يصلح لجذب المشاهدين و عرض عشرات الإعلانات قبل وخلال وبعد البرنامج وقبل وبعد التترات
ممكن تكون النية لفعل الخير موجودة لكن معاها نية لإستغلال أي شئ من أجل نجاح البرنامج والله أعلم بالنيات
لكن الغرور في الكلام واحنا رقم 1 وأكثر مشاهدة و الـ Sound and Video Effects وكل الإعلانات دي شئ مستفز و يدعو للشك في أن تكون النية خالصة فقط لفعل الخير لوجه الله
ملحوظة : ده مش هجوم علي البرنامج بصفه عامة ولا علي ريهام سعيد ولكنه اعتراض علي طريقة تعاملهم مع الحالة دي علي الخصوص
فعل الخير في السر أفضل كتير من فعله في العلن
‏