َتورتة البلاك فورست
6 بيضات كبار
1 مج دقيق +1 ملعقة صغيرة بيكنج بودر +نشيل من المج دقيق 2 ملعقة ونحط بدل منهم 2ملعقة كاكاو خام وننخلهم مع بعض مرتين
1 مج سكر ناعم
باكو فانيليا
1 ملعقة كبيره محسن كيك
1 ملعقه كبيرة ماء
ملعقة صغيرة خل ومحدش يستغربمستغربة
رشة ملح
الطريقة : حنفصل الصفار عن البياض ونيجى للبياض ونحط عليه الخل والملح
ونضرب بالمضرب شويه وبعد كده نحط 1/2 كمية السكر ونكمل ضرب لحد ما يجمد
البياض ويبقى مارينج ونسيبه على جنب والمهم فى ده كله إن المضرب يكون ناشف
مافيهوش نقطة ميه
بعد كده نيجى للصفار نحط عليه الفانيليا والمحسن والميه وباقى السكر ونضرب كويس أوى لحد مالصفار يجمد ولونه يفتح
نيجى بئى للنقطه المهمه طبعا حنكون محضرين صينيه مقاس 22 ومدهونه ومفروشة بورق زبدة من القاع والجناب ومولعين الفرن
المهم فى إلى جاى إننا حنقلب كله مع بعضه بس بتكنيك معين إزاىام العريف
لازم نبتدى بالبياض وننتهى بالبياض بمعنى ناخد شويه من البياض ونحطه على
الصفار ونقلب بخفة أوى علشان الهوا ثم شوية دقيق ونقلب بخفة وهكذا حتى
ننتهى من الدقيق وأخر حاجة هما حبة البياض ونقلب بخفة وبعدين نصبها فى
الصينية وندخلها الفرن لمدة 1/2 ساعة ومانفتحش الفرن نهائيا قبل كده لما
تعدى ال1/2 ساعة نفتح الفرن ونختبر الكيك بالسيخ الخشب بتاع الشوى مش
بسكينه أنا بنبه أهوانا اتكلم انا انا انا ولو لاقينا إن الكيكة من برة
أتحمرت بس لسه من جوة نية نجيب صينية فيها ميه ونحطها فى الفرن تحت صينية
الكيك لمدة 10 دقايق ونشوف الكيك تانى لو أستوت نطفى الفرن ونسيبها فيه 5
دقايق وبعد كده نخرجها ونتركها تبرد وبعد كده نقسمها ونحشيها كريم شانتيه
ونغطيها برده بالكريم شانتيه ونعمل وردات ونحط فيها كريز ونرش شوكولاته
مبشورة وبالهنا والشفاَ
‏