جديد اليوم على ليالي مصرية
 واحدة مسروعة على الجواز شوفتوا حصلها اية؟؟؟ |
 |
اخر المواضيع |
تم النشر بقلم :lonelygirl:10/05/09, 09:56 pm - -
| |||||||||||||||||
واحدة مسروعة على الجواز شوفتوا حصلها اية؟؟؟ بنت مسروعة على الجواز اليوم : أحد الأيام التاريخ : مش فاكرة ـ هو تحقيق ؟ الوقت : الصبح وأنا رايحة الشغل اللى حصل ...... نزلت من بيتنا لرحلة العذاب اليومية فى الميكروباص .... بطرف عينى لمحته على أول الشارع .... شاب طول بعرض .... وسيم .... جوه نفسى صرخت (( وااااااااااااااااو )) مشيت باتزان ولا باين على اى حاجة .... بس بصراحة هو يتاكل أكل البدلة جنان والشعر ولا ليوناردو دى كابريو فى تيتانيك ... وماسك شنطة ... دبلوماسى ده يا خواتى ولا ايه !! جه الميكروباص ...حشرت نفسى فى الكرسى الوسطانى .. وكانت المفاجأة ...صاحبنا ركب جنبى ..... يا حلولى يا حلولى .... قولت لنفسى أربطى يا بت .... بعد حوالى محطة لقيته فجأة قالى .......... (( لو سمحتى حضرتك مرتبطة ؟؟؟؟؟ ))) صرخت جوايا (((( جوووووووووووووون و جون وجون وجون )) رديت بكل تناكة ( هو ده يخص حضرتك ؟؟؟؟)) وشه راح لون وجه لون وقالى ( بصراحة انا دوغرى انا متابع حضرتك من فترة وعازم انى اتقدم حضرتك لو مافيش مانع ؟؟؟؟ )) فضلت بنفس الوش الخشب بس جوايا كنت بقول ((( هيييييييييييييييييه )) قولتله ( متهيألى موضوع زى ده ميبقاش هنا وبما انك متابعنى يعنى عارف بيتنا يعنى ممكن تيجى وتسأل والدى ـ فى حاجة تانى ؟)) حسيت انه أنكبس بعيد عنكم ............. بس مش مهم ما انا قولتله ممكن تسأل والدىيعنى مقفلتش الباب برضه ..... هنا جاء صوت الصبى اللى بيلم الأجرة مثل الرعد (( يا فنديا فيه اتنين مدفوعش هتركبوا ببلاش ولا ايه ...؟؟؟ )) لسه همد ايدى واطلع الفلوس من الشنطة لقيت صاحبكوا ثار وقالى (( لالالالا يا أنسة أنتى كده بتشتمينى أنا مقبلش ان واحدة هاتقدم لها تدفع وانا معاها )) حسيت ان الرجولة نقحت عليه وانا منظرى هيبقى نص كم فى الميكروباص سبته دفع ............ نزلت من الميكروباص لقيته ورايا وقالى (( يلا ادينى وفرت لك أجرة الميكروباص النهاردة أخر الشهر وتلاقى الأمور مش تمام )) بينى وبينكم استفزنى وجرح كبريائى وانتوا متعرفونيش رحت بكل جرأة فاتحة الشنطة وطلعت كل ما أملك و والنهارده كان ميعاد الجمعية وبكل ثقة قلتله(( الحمد لله الخير كتير )) فى لمح البصر يا اخوانا لقيته قبض على الفلوس اللى فى ايدى وحطهم فى جيبه وقالى (( خلاص بقى خليهم معاى تذكار ) وقبل ما أنطق كان البعيد راكب ورا واحد على موتسيكل وبيشاورلى ( هبقى أردوهملك لما أجى أخطبك )) فمى ده يا اخوانا اتفتح على مصرعيه زى ما بيقولوا وحسيت بالفك السفلى خاصم الفك العلوى بشكل وحش ............ ......... ..... ولأول مرة أعرف يعنى ايه الشعور بالبلاهة .... الأشارة فتحت .. والكلاكسات بييب يبيب ...... وانا ولا هنا ...... هبل وجانى بعيد عنكم )) طبعا مش انا دى البنت المسروعة على الجواز هههههههههههههههههههههههههههههههههههههههههههه م ن ق و ل للامانه تم النشر بقلم :lonelygirl |
الموضوع الأصلي : واحدة مسروعة على الجواز شوفتوا حصلها اية؟؟؟ // المصدر : منتديات ليالى مصرية // الكاتب: lonelygirl
| توقيع : lonelygirl |
تم النشر بقلم :الباكى بلا دموع:10/05/09, 10:16 pm - -
| ||||||||||||||||||
رد: واحدة مسروعة على الجواز شوفتوا حصلها اية؟؟؟ اعبالى يارب واتجوز هههههههههههههههههههههههه موضوع هادف الصراحة نفسى اتجوز تم النشر بقلم :الباكى بلا دموع |
الموضوع الأصلي : واحدة مسروعة على الجواز شوفتوا حصلها اية؟؟؟ // المصدر : منتديات ليالى مصرية // الكاتب: الباكى بلا دموع
| توقيع : الباكى بلا دموع |
تم النشر بقلم :كريم بيبسى:10/05/09, 11:13 pm - -
| |||||||||||||||||||
رد: واحدة مسروعة على الجواز شوفتوا حصلها اية؟؟؟ تسلم ايدك يا لونلى موضوع جامد جدااااااااااا منتظرين من مزيد من الأبداع تم النشر بقلم :كريم بيبسى |
الموضوع الأصلي : واحدة مسروعة على الجواز شوفتوا حصلها اية؟؟؟ // المصدر : منتديات ليالى مصرية // الكاتب: كريم بيبسى
| توقيع : كريم بيبسى |
