جديد اليوم على ليالي مصرية
 بنت البواب زجل لــ عصام قمر |
 |
اخر المواضيع |
تم النشر بقلم :عصام قمر:21/12/09, 01:17 am - -
| |||||||||||||||
بنت البواب زجل لــ عصام قمر بنت البواب *************** عبده بيه راجل قيمة شكله ولا نجوم السيما عنده نعم مش عنده غيره ومشكلته مراته مش ماليه عينه بصراحة لا شكل ولا منظر ودايما عليه كدة تتمنظر اصلها بنت وكيل الوزارة حسبها غلط ياألف خسارة أخدها سلم يوصل بيه لوظيفة عاليه تليق عليه ************* راحت نشوة الفرحة بالوظيفة ومشعارف يلاقي فـ مراته تصريفة كل مايشوف واحدة حلوة يحس بانه عنده بلوة يصبر ويحط فـ نفسه والحزن راح يفطر قلبه وياويله لو يوم زعلها أبوها علي راسه يطربقها يضحك لها وجواه يبكي وياعيني مش طايل يشكي *************** فـ يوم كان راجع من شغله والفكر ده دايما شاغله فتحتله باب العربية ايد رقيقة بحنيه وجه سبحان من صور وأد جميل ومتدور وبصوت كروان قالت اتفضل علي مهلك كدة وانت بتنزل سألها مين انت ياحلوة قالتله آني خدامتك نجوي قالها يعني قوليلي بنت مين قالتله انا بت ابويا حسين قالهاعم حسين البواب عنده بنات كدة وشباب وقالها انا عمري ما شفتك ولا شفت بنات كدة فـ حلاوتك كعبلها البيه خلاها خجلت وأخدت بعضها وجريت ************* البت عايشة فـ خياله ومش عايزة تروح من علي باله عايش هيمان فـ طيف نجوي مبسوط وملياه النشوي جاب ابوها وظبطه واداله فلوس وزئططه ولما فاض بصاحبنا الشوق نزل لأبوها علطول من فوق يطلب ايدها ويترجي ويغريه بالدهب والفضة فرصة وجات لعم حسين كان هيلاقي زي ده فين كتب كتابه في الخباسة وخدلها شقة فـ كرداسة وكتموا الأمر شهور كتير واتفقوا يكون السر في بير وتحت حجة المأموريات كان بيروح لست الستات ومراته في غفلة عنه عمرها ما شكت يوم انه يلعب بديله من وراها محمية في الباشا باباها ************* وفـ يوم اغبر جه لمراته تليفون من عند الست حماته سألتها جوزك بات عندك وحلو معاكي ولا معاندك قالتله لأ ليه فيه حاجة كلامك ده وراه حاجة قالتلها شاطرة ياعين مامتك فطنة وزكاوة طالعة لمامتك اسم الله عليه فيه ناس شافوه في شقة فـ كرداسة ولمحوه مع واحده حلوة زي الجاتوه هاتيلي أرار اللي خلفوه ***************** رجع البيه عند مراته لقاها بتفتش فـ حاجاته الفار لعب فـ عب سي عبده والقلق والخوف بقي مالي قلبه وف دقايق معدودة انكشف المستور وعقل المسكين سخن من كتر مابيدور وجه حماه وهدده يقطع عيشه ويرفده وامره يروح يطلق نجوي يـ إما هيلاقي نفسه فـ لهوة قعد المسكين شارد يسيب حبيبته لا مش وارد يضحي بمركزه ووظيفته ده شئ ما يمشيش ويا طبيعته عبده ياناس محتار مش عارف ياخد قرار وطلب مني إني اشاركه وقالي احكيلكوا حكايته يمكن يلاقي عندكم او عندي الحل اللي يجيب ويودي وانا احترت زيه كمان رد علينا ياكل انسان يمكن نلاقي في ردكم علينا رأي للحل الصحيح يهدينا ******************** من خواطر عصام قمر الزجلية تم النشر بقلم :عصام قمر |
| توقيع : عصام قمر |
مواضيع ذات صلة
|
