جديد اليوم على ليالي مصرية
 لرجال المتزوجين فقط الرجاء عدم دخول غيرهم |
 |
اخر المواضيع |
تم النشر بقلم :احمد048:19/04/08, 11:26 pm - -
| ||||||||||||||||||
لرجال المتزوجين فقط الرجاء عدم دخول غيرهم هذه مجموعه نصائح للعكننة على الزوجة وانت فى منتهى الهدوووووووووء يالا خليهم يعرفو ان الله حق الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان .. اشمعنى انت ؟ ولو حاولت ترجع تنام تانى قول لها مادام صحيتى حضري الفطار بقى اذا كنت بتتفرج على التلفزيون وهى عايزة تغير القناة .. و انت كنت بتتفرج على ماتش كورة كل ما حد من اللاعبين من اى فريق يمسك الكورة قول لها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب ( ملاحظة : اغلب النساء ذوات ثقافة كروية ضعيفة ) إصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبايات لاعداد طبق بيض وسندوتش جبنة طبعا يراعى ترك اثار سمنة على الارض مع ترك الثلاجة مفتوحة وقشر البيض فى الحوض > لو عاملة ريجيم إجرى على السوبر ماركت ومحلات الحلويات وإملأ الثلاجة شكولاتة وحلويات وجاتوهات .. يراعى التجول وأنت مستمتع بأكل الجاتوة أمامها ولو مراتك عملة كيكة، قولها انا بحب اشرب شاى مع البسكويت الحلو ده لو طلبت منك تنشر الهدوم قول لها حاضر مع ابتسامة حانية وبعد ما تخلص نشر الهدوم ادخل عليها وقول لها أنا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك ! لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية لو كانت مشغولة فى نظافة البيت او مع الاولاد وطلبت منك تغسل كوبايتين الشاى بتوع الصبح الموجودين فى الحوض إرجعلها كمان دقيقة من دخولك المطبخ وانت ماسك كوباية من الاتنين وهى مكسورة واسألها فى براءة ارمى دى فين ؟؟ وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقول لها حبيبتى معلش ممكن كوباية مية علشان ضهرى بيوجعنى هذه بعض النصائح للازواج واللى عاوز كمان يقول بدون ادنى حرج وانا فى الخدمه ارجو ان تكون قد اعجبتكم وفى انتظار ردودكم الحلوه ومالي شغل شنو راح ايصير بعد كده انتوا نفذوا واقولي لي هههههه تم النشر بقلم :احمد048 |
الموضوع الأصلي : لرجال المتزوجين فقط الرجاء عدم دخول غيرهم // المصدر : منتديات ليالى مصرية // الكاتب: احمد048
| توقيع : احمد048 |
تم النشر بقلم :semsem8080:20/04/08, 09:48 am - -
| |||||||||||||||||
رد: لرجال المتزوجين فقط الرجاء عدم دخول غيرهم الله يعمر بيتك بس انت مش كدة على فكرة دا انا حتى اعرفك كويس واعرف انك لهلوبة في شغل البيت تم النشر بقلم :semsem8080 |
الموضوع الأصلي : لرجال المتزوجين فقط الرجاء عدم دخول غيرهم // المصدر : منتديات ليالى مصرية // الكاتب: semsem8080
| توقيع : semsem8080 |
