فضيحة تمثيلية ريهام سعيد حلقة البنات والجن بالدليل

1-فى الدقيقة 1:16:34 من الفيديو يظهر الطفل اللى جابته فى بداية الحلقة على انه تائه من أهله .. يظهر مرتديا تي شيرت اخضر يحاول مشاركة باقى الممثلين فى انهاء حالة الهياج الذى يظهر على البنات
https://www.youtube.com/watch?v=I0Su1jeA208
2-خلال المشاهدة لاحظوا الواد اللي بيزوق الولد "التائه" وكانه بيقولوا انت ايه اللي طلعك وشوف هتلاقي راجل لابس جلبية بني بيغمز للولد بعنيه
3- خدوا بالكم فى الدقيقة 1:17:11 هتلاقوا لما ريهام و فريق الاعداد و المصورين طلعوا برا و قالوا انهم هيمشوا .. الكاميرا و هى برا كانت جايبة جزء من البيت جوا بصوا كويس جوا هتشوفوا الولد "التائه" طلع قعد على الكنبة و بيكلم البنت الملبوسة و طريقة التعامل توضح انه واحد من العائلة
4- الولد الصغير ده و هى بتوصولوا لأهله .. لما كان اى حد يعدى فى الطريق و ريهام تسأله اهلك دول كان الولد بيقولها " اه " لانه مش عارف مين اهله المزيفين اللى هى جايباهم ده اكبر دليل ان موضوع انه ولد تائه و لقوا امام المبنى بتاعهم ده كمان فبركة يعنى تمثيلتين فى يوم واحد
بالنسبة لتمثيلية البنات :
5-ايه الجن اللى بيمشى بضغط على الصوباع ده .. جن شغال بالزرار
6-البنت الصغيرة لما بتتحول بتهتم اوووووى انها تبص للكاميرا
7- الانسان لما بتجيلوا تشنجات زى دى ميفضلش مركز عينه على الكاميرا .. الناس اللى بيجلهم التشنجات دى عينهم بترتفع لفوق على الاخر و بيبقوا مش داريين بالدنيا اللى حواليهم .. ازاى البنت الصغيرة كانت بتجيلها التشنجات دى و فى نفس الوقت مركزة انها تبص على الكاميرا
8- البنت الصغيرة لما قعدت تتسحب و تمشى على ركبتها و تطلع على السلم امام الكاميرا كان واضخ اوى ان ده show و تمثيل ليه ممشيتش باتجاه تانى غير اتجاه الكاميرا يعنى .. عشان تفرج الجمهور على الجن طبعا
9- ازاى البنت و هى داخلة الحمام قالت للولد اوعى يا "محمد" مش ده اسم الرسول و المفروض يجيلها الحالة ازاى قالته عادى و ازاى اسم "راضى" يخلى البنت الصغيرة تجلها الحالة ده مش اسم نبى اصلا بس واضح انها معندهاش علم بذلك فأندمجت مع الاسم زى العبيطة
10- البنت لما جت تصلي ، وقعتها بتبين اوي ردود الفعل الطبيعيه لأي انسان بيقع علي وشه وهو قاصد ، وهتلاحظوا انها نزلت علي ايديها ، رغم ان في الحالات دى الجن ده لما يكون مسيطر اولاً مبيهتمش بجسد الممسوس و ممكن يبهدلوا عادى
11-قبل ما توصل ريهام سعيد كان الجن مستحلفلها انه هياكلها و يقطعها بسنانه و اول ما وصلت ريهام البنات كانوا عاديين جدا و بيضحكولها و قالولها بنحب مسلسلاتك المفروض كان اول ما شافوها االجن عليهم يحضر و يقطعها بسنانه ده حاططها فى دماغه من بدرى
12- ليه لما ولع الولاعة البنت مجرتش على النار عشان تأكلها .. دى واقفة تطلع لسانها و خلاص .. و لو اخدتوا بالكم لما ولع الولاعة قالها رجعى ايدك لورا فهى رجعت ايدها لورا قال الجن استجاب لتعليمات الرجل
13- البنت بتقول انها بتحب تقطع فى شعرها و تاكل جلدها مع ان شعرها واضح انه سليم و جلدها سليم مفهوش خرابيش .. دى حتى لما قعدة تخربش بأيديها فى وشها مكنتش بتخربش بأظافرها دى كانت تانية صوابعها و واضح انها بتستهبل
14- لما البنت تفت دم على الارض قال مطلعنها على السلم عشان تبين الحتة الشو الجامدة دى امام الكاميرا (فيلم هندى)
15-لما البنت دخلت الحمام امها و راجل تانى كده قعدوا يخبطوا عليها و فتحوا عليها الحمام على البحرى كده امام الكاميرا طيب مكنتوش خايفين من الاول تكون مش لابسة او حاجة
16-بيقولوا ان المصحف ولع و يطفوا فيه و يرجع يولع تانى و النار تزيد كل ده و اتحرقت حتة صغيرة بس من الورقة !! .. و احلى حاجة انهم عاملين الحرقة على شكل صوباع بالطول كده و سايبين العرض عشان يثبوا انها كانت حاطة صوباعها و قال ايه الحرق اخد شكل الصوباع
17- البنات لما بيرجعوا لحالتهم الطبيعية بيبقوا رايقيين كده و طبيعين و مبتسمين طووول الوقت .. الانسان الملبوس اصلاً عموما الانسان اللى كده لما يرجع لحالته الطبيعية شوية بيبقى باين عليه التعب برضه و حالته النفسية بتبقى وحشة من البهدلة اللى بتحصله دول بقى بيتبهدلوا 24 ساعة و عادى كده مش باين عليهم التعب و بيبتسموا و يضحكوا عادى !!!!
84-لما ريهام قالت كلمة "صليب" البنت سمعتها و اتحولت .. طيب ما البنات بيرسموا الصليب على نفسهم ازاى يخافوا من كلمة صليب و هما بيرسموا على جسمهم ايه التناقض ده !
95-اللى هما بيعملوه عامل زى طريقة الافلام الرعب الاجنبى واضح انهم اتفرجوا على exorcism emily rose و متأثريين .. بس مكنتش اتصور ان يوصل بيها انها تحرق القرأن عشان تضحك على الناس و يصدقوا تمثيليتها
‏