موجة الحر,شهر اغسطس,الحر الشديد,الصيف
تعرفي على وسائل تساعدك على التغلب على الحر في شهر اغسطس

قبل أى حاجة لازم تعرفى أنك بتعملى كده علشان ولادك قبل أى حد لأن لو بعد الشر جرالك حاجة جوزك حيطنشهم .. كل شويه قولى لنفسك أنا بضحى و أوعى حد يضحك عليكى و يأنب لك ضميرك..
1- التونه و الجبنه بيضا و العنب او البطيخ .. دول حاجات اخترعوها مخصوص لأغسطس تعمليهم بالتبادل لحد يوم الجمعه تجيبى سمك مشوى و ربنا يقدرك على الرز .
2 - ممنوع منعا باتا تشغيل الفرن لأى سبب كان .. مفيش مكرونه بشاميل و لاصينيه فراخ و لا حتى كيكه أوعى أوعى أوعى حتدخلى فى غيبوبه جوة لو جوزك صمم دخليه المطبخ 3 ثوانى و هو نفسه حيبطل يطلب ميه حتى .. المطبخ ده مثلث برمودا اوعى تدخليه الداخل مفقود و الخارج مولود لو دخلتى اخرك التلاجه البوتجاز فيه سم قاتل اوعى البوتجاز انا حذرتك .
3 - مفيش تنشير بالنهار أغسلى بالنهار و نشرى بالليل فى الطراوة لسببين أن ممكن بالنهار الشمس تسيحلك دراع يرضيكى تبقى بدراع واحد ؟ و السبب التانى أن احتمال كبير الغسيل ينشف فى الغساله لوحدة من كتر الحر انتى بس ابقى افتحى باب الغساله و طبقى على طول
4 - مفيش حاجه اسمها خروج ده نفس الناس لوحده يجيبلك تشقق فى الجلد .. العيل اللى يقولك عاوز اتفسح اقتليه
5-
اخر حاجه الجو حر ضغطك بيوطى عاوزه حاجه حادقه بس بعدها نفسك فى حلو و بعدها نفسك موعت فتديها حاجه حادقه و تدوخى تاكلى حاجه حلوة .. انسى الرجيم و الهبل ده دلوقت ايس كريمك فى ايدك عصيرك فى حضنك اللى يقولك تخنتى اقعدى عليه اعمليه خداديه و اخلصى .. حتى عدد الناس يقل يمكن الهوا يزيد
و ربنا معانا يا بنات
ربنا يقدرني علي فعل الخير

البوست ده منقول من واحده ست
‏